الكابوس المرعب

في الحقيقة يا جماعه أنا أترددت كنير قبل ما أتكلم في الموضوع ده لكن بصراحة هو موضوع مهم أوي وأكيد بيشغل تفكير كل بيت على الأقل في مصر وهو موضوع الثانوية العامة وقرفها اللي البيوت بتشوفه من يوم ما ابنهم أو بنتهم يدخلوا ثانوية عامه حاجه صعبه جدا من كل النواحي نفسيا وعصبيا وماديا وده طبعا نتيجة عدم وجود ضمير عند المدرسين في المدارس مما يترتب عليه المصيبة الكبيرة وهي الدروس الخصوصية اللي مش كل الناس بتقدر عليها مع أنهم بيكونوا متفوقين لكن نقول إيه في الدنيا اللي إحنا عايشنها اللي كل حاجه فيها دلوقتي بالفلوس ومفيش حساب للناس اللي مش تقدر تعلم ولادها بالفلوس الكتير دي وبعد تعب السنة اقصد السنتين ييجي التنسيق الفظيع اللي بنشوف فيه حاجات غريبة ومجاميع أفظع يعني مثلا ازاي طالب جايب 97% وما يدخلش الكلية اللي نفسه فيها ازااااااااي حد يقولي أنا شايفه إن الطالب دلوقتي المفروض يجيب 100% عشان يبقى مطمن على نتيجة تنسيقه وكمان بعد ده كله يقولوا إن الأعداد في الكليات العملية بتزيد كل سنه. أنا نسيت أقول حاجه مهمة أوي وهي التصحيح اللي بيحصل فيه مهازل بمعنى الكلمة والتظلمات الكتير اللي الطلبة بيعملوها وبيكون ليهم درجات فعلا ومش بياخدوا حاجه وده ليه عشان لو خدوا حاجه يبقوا كده بيشككوا في قدرات مدرسينا الأفاضل. أنا بس صعبان عليا الطلبة وأهلهم اللي بيقعدوا السنتين في حاله صعبه جدا من التوتر والقلق ع العموم الموضوع ده الكلام مش هيخلص فيه وأنا اسقه إني طولت عليكوا بس مش ليا حق اقول كده على الثانويه العامه

بصراحه ليكى حق
انا هجربها قريب ان شاء الله
مفيش حد يتبرع ليا ويجربها مكانى
هههههههههههههههه
شكرااااااااااااااااااااااااااااااا
موضوع جاااااااااااااااااااااامد

ميرسي اوي يا ميمو على مرورك اللي دمه خفيف ده وربنا يوفقك فيها ان شاء الله

عندك حق يا ميمو وشكرا اوى يا sendrila على الموضوع المهم اوى دة
وانا الحمد لله عديت المرحلة دى وبقيت فى الكلية بس والله ايام الثانويه كانت حلوة اوى

ميرسي على مرورك ويارب فعلا الموضوع يكون نال اعجابكم خصوصا انه اول موضوع ليا

لا بجد موضوع جميل جدا ومنتظرين الجديد منك اوكى

ان شاء الله يكون في جديد وميرسي على مرورك

الف شكر ع الموضوع المهم جداا بس انا شايفه ان احلى ايام عمري هي الثانويه
رغم القلق والتعب والسهر بس الحمدلله عدت على خير وربنا يوفقك يارب
تحياتي

جميل جدا

والله يا sendrilaعندك حق فعلا
هى كانت ايام صعبه
بس الحمد لله عدت بسلام وربنا يخلصنا من الكليه هى كمان على خير
بس الحمد لله انا محسستهمش عندنا بالثانويه اوى يعنى
عندى اختى هى اللى حسستنا كلنا ايام الثانويه بتاعتها
وربنا يوفقك يا ميمو يا رب وتخرجلنا بمجموع كبير بأذن الله
زتحياتى
_________________
نسمة ربيع

انا من راي اختي نسمة صح كل شئ في الحياة مرعب مشكوره اختي موفقه يارب

انا لسه في الثانويه وما عديت بالمرحله هاي وان شاء الله نعديها على خير يارب وبالتوفيق يارب لينا وليكي