ليه دايما ماشين تايهين مش فاهمين مش عارفين.
ليه دايما بنقول اجدادنا عملوا وخلوا وسوا زمان.
ليه دايما سابقنا الغرب واحنا الاصل .....اكيد فاكرين.
ليه منقومش ونثبت ذاتنا قدامهم وفي كل مكان.
سجلوا لينا صورة بهتانه في عقولهم ( بالمصريين ) .
صورة مش واضحه ... ابيض واسود ... حتى من غير الالوان.
اجدادنا عملوا اللى عليهم بنوا ثقافه ... حضاره ... تاريخ.
اهرامات وبردى ونيل يحكى تراثهم ع الصفين.
قولنالك يالا قلت علامى .. قلنا وماله المتنور دايما كسبان.
قلنالك يالا .. قلت وشغلى وبالشغل يزيد الايمان.
قولنا اسم الله عليك متنور واهو عشان تبقي في امان.
وجينا نبص عليك بعديها لاقيناك مستنى العشمان.
يا بنى وشغلك؟ قلتلى شغلى! ماخلاص فات الاوان.
طيب بلدك؟ قلتلى بلدى! ما خلاص راح العدوان.
ومين قالك راح العدوان؟؟؟
الام تكبر ... تتعب ... تسهر ... وفى الاخر تبقي الهربان؟
زمان في 73 ضحوا عشانك ياما رجاله .
كانوا رجاله بمعنى الكلمه وفدوها من غير اتمان.
والام هتعمل ايه مسكينه .. مع ان الولد نضر عينها .. لكن صبرها الرحمن.
قالها ابنك دا بيتزف ...للجنه ... عريس فرحان.
تيجى دلوقتى انت تقولى فات الاوان! وان خلاص راح العدوان! وانك قاعد هنا هربان!.
يا بنى اختشى قوم راعى ضميرك .. صون بلدك .. حطها في عنيك.
دا امتحان من المولى وجالك خد بالك وألا هتتهان.
بلدك ارضك ... بيتك اهلك ... مالك عرضك.......هتصونهم انت الكسبان.
والله انت الكسبان.
قوم قول لأه ...عدل صورتك ... وبأيدك ضيف الالوان.
كلمه وقالهالك انسان .. تسمعها هتعيش في أمان .. هتسيبها هتفضل هربان.
واهى كلمه لضمير انسان.
:star
موضوع: (( كلمه لضمير انسان)) من تأليفى..... 
الثلاثاء فبراير 05, 2008 2:09 pm
