صـــاحـــبي
اعتب عليك يا صاحبى يا أغلى ماليه
يا واكل هنــا في طبــقى ومــلكت ما فيــه
مين علمك تغدر وفــي لحظــه تنسانــى
انا لمــا تقول الآه اســهر ليــاليـــه
وجالــك قلب تنطقها وتقــولى تنسانــى
دا نطق الكلمه فوق الوش عندك هنـا بايــن
خلى لسانك حصانك وإعــرف معانيــها
للعيش والملح والعشره ليهم انـا صايـن
مرت علينا سنين وإحنــا بنحكى أوجاعــنا
ويانا قــمر الليل والضى ليه معــنا
ولو الفــراق هيطول لثانيه تبــقى سنــين
تلقى القلوب بتدوب والشــوق يجمعـــها
كانت البدايــه كتـاب الله اولنــا
وصحبه في الخير نبـارك بيها احوالـــنا
وقولـــه الآه ما تسمعهــا هـنا بيــنا
دا وقت الصفا بيدوم وتحلى اقوالـــنا
كان السكات أحسن من كلمه راح اقولــها
بديت أدور هنا عن عرضها وطولها
ما لقيت يا ناس عندى غير انى افــكر فيه
وكل شىء يغلى ايديه هنا تطولــها
يا واخدنى للمصلحه دى عشره مش هتدوم
لا امى امك وسرى عندك ياخويـا قــوم
شوف الصحابـه كان عندهم كام تــوب
دانا على دينك يوم ما لقيامه تقــوم
موضوع: صــــحــابـــي من ابداع الشاعر الحزين ادخل الان 
الأربعاء أكتوبر 24, 2007 9:58 am
