هتبدأ قصتنا مع اتنين شباب راكبين العربية ومشغلين عمرو دياب والحياة جميلة معاهم
واحد منهم اسـامه فى هندسه والتانى انتيمه حماده طب اسنان
[center]كان اسامه زار حماده فى كليته ودى كانت المرة اللى رايح حماده فيها يرد الزيارة اسامه فى كليته
ووقفت العربية قدام باب الجامعة ونزلوا دخلوا جوا وكانوا بيتمشوا بالراحة على اساس اسامه
يوضح لحماده امكان الكلية الخاصة بيه ودخلوا جوا قابلوا اصحاب اسامه حس حماده انه مش مرتاح
شوية وشوش بتضحك بس جواها مش صافى وبعدو ما اتعرفوا على حماده دخلوا شوية الكافتيريا
فطلبوا عصير وقعدوا يدردشوا وحماده كان احتاج مية فراح يجيب ازازة ميه وهو بيشرب كانت فى
بنوتة ماشية بتتكلم مع واحدة صحبتها ومش واخدة بالها فخبطت ايده وهى ماشية ووقعت الازازة فى
الارض طبعا المية غرقت البنطلون بتاعها من عند الركبة فطبعا لحق حماده قعدها على الكرسى
حماده:سورى مقصدوتش بس انتى كنتى ماشية بضهرك
هى مش بتنطق ومكشرة اوى
حماده طلع كلينكس قالها ممكن امسح مكانها
هى: خدت الكلينكس وبدأت هى تمسح مكان المية
حماده فضل واقف مستنى عشان مش يسيبها كدا
هى: قامت ومشيت بعد كدا ومن غير اى اشارة فطبعا حماده ادايق
وهى ماشية قال
حماده:هتاخدى علبة الكلينكس كلها ولا ايه
ضحكت ومشيت
راح قعد مع اسامه والشباب شوية وهو فاكر البنت وعنيها
وشوية لقى البنت وصحابها قاعدين بيتغدوا
فا هو طبعا متغاظ من اللى عملته وعايز يا خد حقه مش عارف وكان قاعد مراقب الجو
حتى كانوا الشباب بيكلموه مش مركز معاهم
وفجأة سابهم وراح واقف قدام البنت هى وصحابها
حماده:على فكرة انتى من ساعة ما دخلتى وانتى عمالة تاكلى مش راحمة نفسك
راح كل صحابها ماتوا على نفسهم من الضحك وهى سابت الاكل
حماده :كلمى كملى لسه عادى فى صحابك معاهم اكل
وصحابها شغالين ضحك وسبهم ومشى
خرجوا قعدوا برا
وفجأة لاقها جاية مندفعة عليه وهو عمل نفسه مش واخد باله
وواقفة وراه
هى:انا بقالى هنا تلت سنين عمر ما حد عمل معايا اللى انت عملته انهاردة دا
وهو عمل نفسه مش سامع
هى:هو انا مش بكلم حضرتك
حماده:ايوا أمرى
هى:مسمعتش اوك اكرر تانى بقولك انا بقالى هنا تلت سنين عمر ما حد عمل معايا اللى انت عملته
انهاردة دا
حماده:طيب اهدى شوية اتفضلى اقعدى
هى:لا مش هقعد
حماده:وانا مش هتكلم وانتى واقفة كدا
هى:سكتت
هو راح مدور وشه وهى مولعة على الاخر
وراحت ماشية خطوتين ورجعت تانى قعدت قالتله مش بكلمك
حماده :ايوا كدا لازم االعين الحمرة
هى :انت مين عشان تورينى العين الحمرة
حماده :انا محمد طب اسنان وانتى؟
هى بصت باستغراب من هدوءه
حماده رد على طول ايوا قولى انتى مين بس واهدى كدا عشان نتفاهم
قولى بس وبعدين هقولك نتفاهم على ايه بس انتى لسه ماسكة الكلينكس بتاعى
هى ابتسمت وكدا اضطرت تجاوبه
هى:بيزنس هنا
حماده:والاسم ايه؟
هى:ممكن تقول مى وبيقوللى يا ميوو
حماده :اهلا ميوو قوللى بقا حماده على طول
ميوو:لا مش هقول حماده هو انت فاكر هنبقى صحاب وكدا ولا ايه
حماده :امال اتعرفتى عليا ليه وواخدة الكلينكس كمان منى هههههه
ميوو:على فكرة انا كنت هديك الكلينكس مش هديهولك مدام عايزه كدا
حماده:تلاكيك تلاكيك ههههه
ميوو:على فكرة انت مستفذ
حماده:دا اقل حاجة عندى بس هو انتى قاعدة بتتكلمى معايا ليه؟ههههه
ميوو من عصبيتها نسيت وحطت الكلينكس على الكرسى وقامت
ورجعت تانى انت بردوا على فكرة محدش عمل معايا كدا زيك
حماده:قالها بجد سورى لو كنت دايقتك بس مش اقصد وياريت تقبلى اعتذارى
ميوو:اوك مفيش مشاكل وخدت الكلينكس وقالتله مش هتاخده بردوا
ومشيت وبعد عشر دقايق حماده نده عليها تانى
هنشوف الحلقة الجاية حصل ايه
انتظرواااااااااااااااااا
موضوع: اجمل قصه حب 
الأربعاء أكتوبر 24, 2007 4:54 am
