ميمو الدلوعه
نائبه المدير
عدد الرسائل : 314
تاريخ التسجيل : 18/12/2007
 |  موضوع: داء العصر اللى بيدّعى الناس انه  الإثنين يناير 21, 2008 12:41 pm | |
|
داء العصر اللى بيدّعى
الناس انه
مالوش حل
(الهم)
تخيل انت ان الموضوع سهل و ميسور و مع ذلك
انسحب من ايد ناس كتير أوى !!
اللى بييجى مثلا و يقوللك انا مخنوق و متضايق و
قرفان بس السبب ايه ؟!!
ماهو اللى مجننه انه مش عارف السبب
مع انه مديها فراخ بلدى و كبدة و مكرونة
بالباشاميل كل يوم
و العملية تكييف و آخر راحة
اومال بقى الخنقة دى سببها ايه؟!!!
شوف بقى و قيسها معايا واحكم يا سيدى بعقلك
مش هقوللك طلاسم أو كلام مايجيبش همه ولا حاجة تقولى فيها اقنعنى
انت بنفسك اللى هتحكم
بدايةً
انت تعرف طبعا التكوين الأساسى ليك كإنسان
اللى هو ايه؟
طبعا الروح و الجسد
طيب و غذاؤهم ايييييييييييه؟
نقول طبعا ان غذاء الروح بيفرق عن غذاء
الجسد
و ده شىء لا يختلف عليه اتنين
الجسد و غذاؤه أكل و شرب و شهوة .. إلخ
طبعا فى الأكل احنا مابنتوصاش .... فى الشرب آخر تظبيط ..... فى الشهوة
كذلك
لحد لما طغى غذاء الجسد على غذاء الروح
إما إنك أفرطت فى تغذية الجسد أو تناولته
من طريق محرم
اللى هو يا حلو طغى على غذاء الروح !!!!!!!!!!!!!!!!!!!
ايه بقى غذاء الرووووووووح ؟؟؟؟؟
ببساطة وباختصار اقوللك الروح مش
عايزة غير حاجة واحدة
انها تكون مع الله
اديها الحق الروحانى تديك راحة فوق
ماتتخيل
ازاى يعنى؟
الروح دى حاجة بتطلب السمو باستمرار و بشكل
منتظم
الروح عايزة الصلاة فى وقتها ( صلاة المتوكل )
لأنك سبحان الله لما بيسقط من
قلبك التوكل بتبقى ف صلاتك زى اللى مضروب بشومة
ولا محصل تركيز ولا خشوع ولا
غيره
الروح عايزة ورد ثابت من القرآن ما يتفوتش اى يوم
الروح عايزة قيام ليل ولو بركعتين بعد
العشاء او قبل الفجر
الروح
لما بتلاقى نصها التانى اللى هو
الجسد خرج عن حدوده و تعداها
يعنى مثلا أكل حرام
أشبع رغباته الغريزية بشكل حرام
تكاسل عن الفرائض
تقوم تيجى لها الحالة
و تبقى عندها استعداد تجننك و تشكك فى
نفسك
لأنك مش ممولها
و صدق من قال ( نفسك إن لم تشغلها
بالطاعة .. شغلتك بالمعصية )
المهم بمنتهى الوضوح أكيد احنا محتاجين أمثلة عملية
لده
أقوللك
عندك مثال على اللى اشبع الجسد على حساب الروح
واحد نام مثلا يا سيدى الساعة واحدة صباحا
و صحى 11 مثلا
نام كام ساعة؟
طبعا 10 ساعات
يعنى الجسد أخد الغذاء بتاعه و بشكل زايد كمان
لكن قايم حالته ايه
كسلاااااااااااان و مخنوووووووووق و عنده حالة فظيعة من
الخمول
تعرف ليه؟
عشان ماصلاش الفجر .. فالروح اتخنقت
فى الوقت نفسه تلاقى واحد يمكن
مانامش غير اربع خمس ساعات لكنه قام الفجر
و مع ذلك فى منتهى السعادة
لأنه ادا للروح غذاءها
شفت بقى ؟!!!
أديك مثال تانى
انت فى رمضان
بتبقى صايم عن الاكل و الشرب و الشهوة
يعنى حرمت الجسد من حقه
و يمكن بتبقى هفتان و الذى منه
و مع ذلك علشان اديت الروح حقها
بتكون فى غاية السعادة
و ده تحقيقا لقول الله تعالى (يَاأَيُّهَا الَّذِينَ آمَنُوا
اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا
يُحْيِيكُمْ وَاعْلَمُوا أَنَّ اللَّهَ يَحُولُ
بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ)
يعنى هتستقيم هتاخد حياة القلب و الا هتتقرص قرصة لحد ماتفوق
وياريت الناس بتفوق
اديك شايف حب التمرد و الفلسفة اللى تملكت من كل
الناس
ياترى بقى عرفت الحل ولا لسة؟؟؟
يبقى لاتقوللى بقى مخنوق يبقى محتاج سفرية و نزه
يفرقع فيها كام ألف جنيه
ولا محتاج يعمل او يسوى
لأنك كل ده عمال تدى الجسد
فتتخنق الروح برضه اكتر
| |
|
مجروحة وغريبة
احسن عضوة فى هذا الشهر
عدد الرسائل : 589
العمر : 48
تاريخ التسجيل : 18/01/2008
| |
نسمة ربيع
مشرفه على قسم المرأءه
عدد الرسائل : 493
تاريخ التسجيل : 25/01/2008
| | موضوع: رد: داء العصر اللى بيدّعى الناس انه الثلاثاء فبراير 05, 2008 1:32 pm | |
| تسلميلى يا ميمو يا حبوبه
والف شكر على الموضوع الجميل ده
تحياتى
____________
نسمة ربيع | |
|
ميمو الدلوعه
نائبه المدير
عدد الرسائل : 314
تاريخ التسجيل : 18/12/2007
| | موضوع: رد: داء العصر اللى بيدّعى الناس انه الأربعاء فبراير 27, 2008 2:28 pm | |
| ميرسى ليكم انتم على ردكم الرقيق ده | |
|
دلال الحب
العضو المميز
عدد الرسائل : 319
تاريخ التسجيل : 21/02/2008
| | موضوع: رد: داء العصر اللى بيدّعى الناس انه الخميس فبراير 28, 2008 11:57 pm | |
| يسلموو ايديكي بالتوفيق ان شاء الله | |
|
ميمو الدلوعه
نائبه المدير
عدد الرسائل : 314
تاريخ التسجيل : 18/12/2007
| | موضوع: رد: داء العصر اللى بيدّعى الناس انه الأحد مارس 02, 2008 1:14 pm | |
| | |
|
توم كروز
Admin مدير المنتدى
عدد الرسائل : 466
العمر : 36
تاريخ التسجيل : 19/10/2007
| | موضوع: رد: داء العصر اللى بيدّعى الناس انه الخميس مارس 06, 2008 12:22 pm | |
| | |
|
